ERASMUS

Sección do programa comunitario SÓCRATES II dedicada ao ensino superior que continúa e amplía o programa de acción comunitario en materia de mobilidade dos estudiantes universitarios, establecido en 1987. Os seus principais obxectivos son apoiar as actividades europeas das institucións de ensino superior e promover a mobilidade e intercambio do seu persoal docente e dos seus estudiantes. No programa SÓCRATES e na súa acción ERASMUS participan, ao longo do período que abrangue do 24 de xaneiro de 2000 ata finais de 2006, trinta países: os dezaoito estados membros do Espacio Económico Europeo (EEE) e mais doce países asociados (Hungría, Romanía, República Checa, Eslovaquia, Polonia, Bulgaria, Estonia, Letonia, Lituania, Eslovenia, Malta e Chipre).