eretmofórido -da

Relativo ou pertencente aos eretmofóridos.

Peixe da familia dos eretmofóridos.

Familia de peixes mariños, da orde dos gadiformes, de cabeza grande e ancha, aplanada dorsalmente e fociño curto. Os ollos son grandes e están situados na parte superior da cabeza. As máis das especies son bentónicas e habitan nos noiros continentais e nos fondos abisais. Son denominados popularmente móridos.