escáncer

Réptil terrestre de corpo alongado e ápodo.

Réptil, de ata 28 cm de lonxitude, ápodo, co corpo vermiforme de cor rosada, cuberto de pequenas escamas e de aparencia segmentada. A cabeza é pequena e aguda, e pouco diferenciada do corpo; os ollos son moi pequenos e a cola curta. Vive principalmente baixo terra, onde se alimenta de vermes, eirugas, formigas e miriápodos. As femias poñen un único ovo longo e estreito. Está presente en toda a Península Ibérica, agás na maior parte do terzo norte; en Galicia está limitado ás zonas máis mediterráneas do sueste do país.

Réptil, de ata 50 cm de lonxitude, de corpo alongado e ápodo, cuberto de pequenas escamas. Habita medios de alta humidade ambiental como bosques caducifolios, prados, claros de bosques, sebes e, as máis das veces, lugares situados preto dos cursos de auga. Aliméntase de larvas de insectos, formigas, miriápodos e arácnidos. Hiberna durante os meses de outubro e abril para logo aparearse. Logo duns 90 días, as femias paren. Localízase en toda Galicia, onde é máis escaso nas zonas secas do sueste.