escarallar

1. v t

   Deixar algo en mal estado ou peor do que estaba.

   Ex: Arianna colleume o reloxo e escaralloumo. Escarallou o coche todo cando bateu co muro.

   Sinónimos: escangallar, estragar.
2. v t

   Facer que algo ou alguén cambie para peor deixándoo sen o que tiña de bo.

   Ex: Estes edificios escarallan as vistas da ría. Os anos que pasou nese traballo escarallárono por completo. Cos seus comentarios escarallounos a noite.

   Sinónimos: estragar.
3. v t

   Facer dano físico a unha persoa ou animal.

   Ex: Se sabe que colliches a súa camisa vaite escarallar.

   Sinónimos: escangallar, esmendrellar.
4. v t

   Quitar o membro viril.

   Ex: Escarallaron o gato para que non preñase a gata da veciña.

   Sinónimos: castrar.
5. v pron

   Poñerse algo ou alguén en mal estado ou peor do que estaba.

   Ex: Escarallouse o motor do camión por estar tanto tempo parado.

6. v pron

   Perder algo ou alguén o que tiña de bo.

   Ex: Escarallouse a festa cando empezou a chover.

7. v pron

   Ferirse por mor dun golpe, dunha caída, etc. OBS: En todas as acepcións é un termo de uso coloquial.

   Ex: Caeron da bici e escaralláronse.

Frases feitas

• Escarallarse de/coa risa. Rir moito.