escifozoo -a

Relativo ou pertencente aos escifozoos.

Cnidario da clase dos escifozoos.

Clase de subtipo dos cnidarios, caracterizada pola preponderancia dos individuos da fase medusa sobre os da fase pólipo, que mesmo pode faltar. Presentan unha mesoglea moi grosa e un mesénquima con moi poucas células, e contan con cnidocitos na epiderme e gastroderme. As gónadas teñen unha orixe endodérmica e están localizadas na gastroderme; a cavidade gastrovascular está dividida en catro bolsas gástricas. Os pólipos son de vida solitaria e producen medusas por estrobilación. Todos os escifozoos son mariños.