escribir

Representar palabras, números, sons, expresións ou ideas por medio de signos gráficos.

Aparello que permite imprimir caracteres tipográficos nun papel. Consta dun teclado que serve para accionar os caracteres de imprenta, o cilindro do carro (fixo ou móbil) portador do papel, a cinta tintada entre o carácter e o papel, o xogo de caracteres en relevo sostido por barras, bóla ou roda, e uns mecanismos auxiliares, como o espaciador, o regulador de marxes ou o tabulador. A primeira máquina de escribir foi construída en 1867 polo impresor norteamericano Ch. L. Sholes. Este modelo, dotado de barras portatipos independentes, interesou á casa Remington, que en 1873 comezou a súa fabricación en serie. O teclado das primeiras máquinas de escribir fabricadas por Remington, que recibe o nome de universal, xa era o mesmo que na actualidade e foi deseñado por Ch. L. Sholes, despois de estudiar cáles eran as asociacións de letras máis frecuentes en inglés. Th. A. Edison converteu en eléctricas as máquinas de escribir accionando as barras por medio dun electroimán, pero o seu invento non tivo unha explotación industrial. As primeiras máquinas eléctricas apareceron no mercado ao redor de 1920 e estaban baseadas no prototipo que J. F. Samther presentou en 1914, en que as barras e o carro se accionaban por un pequeno motor eléctrico. En 1961, IBM ideou unha máquina eléctrica en que os tipos están gravados nunha bóla oscilante, que é a que se move ao escribir, mentres que o carro permanece fixo. Dez anos máis tarde, IBM ideou outro tipo de soporte que consistía nunha roda ou disco. Os caracteres están fixados sobre uns soportes flexibles con forma de pétalos. Simultaneamente, apareceron as primeiras máquinas de escribir automáticas nas que, ao teclear un texto, este se imprime sobre o papel, ao mesmo tempo que se rexistra sobre un soporte magnético (banda ou disco) ou cartón ou cinta perforada, de maneira que é posible reproducilo tantas veces como sexa necesario sen ter que volvelo teclear.

Compoñer unha obra literaria, musical ou científica.

Publicar artigos en diarios ou revistas.