esfera

(< lat sphaera < gr σ)

s f [MAT]
Espacio limitado por unha superficie esférica e que contén o centro desta; é dicir, o sólido interior á superficie esférica constituído por todos os puntos que teñen unha distancia ao centro menor ou igual ca o radio. O volume da esfera é V=4/3πr3, onde r é o radio da superficie esférica.
1. s f
  Corpo con forma de esfera ou semellante a ela.
2. esfera celeste [ASTRON]
  Esfera imaxinaria, concéntrica co globo terráqueo, na superficie da que se representan os astros, os seus movementos e tamén os diferentes círculos astronómicos (ecuador, eclíptica, etc).
3. esfera fotónica [ASTRON]
  Rexión situada ao redor dun buraco negro que captura a luz que viaxa con ángulos determinados; confínase no interior polo límite estático.
4. esfera terrestre [XEOG]
  Representación esférica a escala do globo terráqueo. A primeira coñecida é a de Crates (150 a C).
s f
Superficie sobre a que xiran as agullas do reloxo ou de calquera outro instrumento semellante.

Ex: A esfera do meu reloxo.
s f
Espacio en que se exerce a acción, a influencia, o coñecemento, ou a actividade de alguén ou dalgunha cousa.

Ex: O sector da política é a súa esfera de acción.
Confrontacións: rea.
s f
Rango ou condición social dunha persoa ou dun grupo.

Ex: Mocea cunha rapaza que non é da súa esfera social. As altas esferas económicas están pendentes dos movementos da bolsa.

Palabras veciñas