Esla

Río do N da Península Ibérica, afluente do Douro. Nace en Riaño, na vertente meridional dos Picos de Europa. O seu curso adopta unha dirección N-S, encaixado primeiro polos contrafortes da Cordilleira Cantábrica e entre os páramos leoneses despois. Recibe pola dereita o Porma, o Bernesga, o Órbigo e o Tera. Desemboca pouco despois do encoro de Ricobayo, logo dun percorrido de 275 km e de drenar unha conca de 17.000 km2. De réxime pluvionival, o caudal absoluto na súa desembocadura é de 180 m3/s.