Espada Guntín, Luís

Político e xurista, fillo de Xosé Espada Novoa. Estudiou Dereito na Universidade de Santiago de Compostela e doutorouse na Universidad Central de Madrid. Letrado do ministerio de Gracia e Xustiza (1880), en 1884 obtivo a excedencia para representar nas Cortes o distrito de Ourense ata 1886. A súa actividade parlamentaria reanudouse en 1891 de xeito case ininterrompido ata 1923, sempre representando o distrito de Verín polo partido liberal conservador. Foi gobernador civil de Ciudad Real e Toledo (1891), director xeral de Administración (1900), fiscal do Tribunal de Cuentas (1903), director xeral de Obras Públicas (1904), vicepresidente do Congreso de los Diputados (1905 e 1914), subsecretario de Facenda (1907), ministro de Fomento (1913-1915), ministro de Instrución Pública (1920-1921), membro da comisión permanente do Consello de Estado (1917-1920) e presidente do Tribunal de Cuentas (1923 e 1930). Foi deputado nas Cortes Constituíntes de 1931 pola Confederación Española de Derechas Autónomas (CEDA).

Cronoloxía