espantallo

(< espantar)

s m
1. Obxecto, xeralmente con forma de boneco, que se pon nun lugar para espantar os paxaros e evitar así que coman ou estraguen os froitos e as sementes.
  
  Ex: Puxeron un espantallo na cortiña para que os paxaros non lles coman as sementes.
2. Cousa ou persoa que mete medo.
  
  Ex: Anda de espantallo polas noites meténdolle medo á xente. No conto aparecía un espantallo que raptaba os nenos.
s m
Persoa ridícula, especialmente a que viste de xeito charramangueiro.

Ex: Pareces un espantallo con esa roupa.
s m
Persoa que estorba.

Ex: Estás de espantallo polo medio e non me deixas traballar.

Palabras veciñas