Espinosa de los Monteros y Rodríguez, Xosé

Farmacéutico e historiador. Licenciado en Farmacia pola Universidade de Santiago de Compostela, foi cronista oficial de Vigo dende 1937. Colaborou, entre outras publicacións, en La Voz del Miñor (1913-1915) e Faro de Vigo, nos que publicou artigos sobre a historia de Vigo. Entre as súas obras destacan Casas y Cosas del Valle Miñor (1938), Bouzas (1944), Fray Antonio de Sotomayor y su correspondencia con Felipe IV (1944), El valle de la Louriña. Bosquejo histórico (1944) e Tierra de Fragoso (Notas para la historia de Vigo y su comarca) (1949). Foi membro numerario da Real Academia Galega dende 1952, da Real Academia de Historia, da Real Academia de Farmacia e dos institutos xenealóxicos de Chile e São Paulo. Recibiu, entre outros galardóns, a Encomenda de Afonso X o Sabio.

Cronoloxía