esporón

Apéndice agudo que presentan as extremidades dalgúns animais. Nas aves é unha hipófise ósea do tarso-metatarso, presente nos machos de moitas ordes, utilizado, xeralmente, como arma nas loitas de celo; noutras aves está presente nos dous sexos, sitúase nas ás e non ten función agresiva. Nos arácnidos e meróstomos é unha hipófise situada nas extremidades anteriores dos machos. Nos mamíferos monotremas, como o ornitorrinco, é unha excrecencia ósea na cara interna das patas posteriores dos machos. Algúns mamíferos ruminantes e équidos téñeno en forma de protuberancia córnea que é un vestixio dun dedo non desenvolvido.

Prominencia aguda e sobresaínte.

Prolongación tubular e pechada da base do cálice ou da corola.

Contraforte dunha construción.

Construción en forma de ángulo agudo que se coloca nos piares dunha ponte e que ten como función cortar a corrente e frear a forza desta.