extracto

(< lat extractu, p p deextrahĕre ‘extraer’)

s m
Resumo dos puntos máis importantes dun escrito ou exposición.

Ex: Mandoulle redactar un extracto do libro. Faime un extracto do que falastes.
Sinónimos: compendio.
1. s m
  Produto concentrado que se obtén mediante o tratamento do tecido animal ou vexetal cun solvente para extraer os compoñentes desexados de sabor, olor ou nutritivos do tecido.
2. s m
  Preparado galénico constituído por concentración de drogas animais e vexetais obtidas por evaporación, maceración, lixiviación, decocción ou infusión da droga, seca e pulverizada, con disolventes adecuados, a miúdo etanol, éter ou cloroformo.
3. extracto brando
  Extracto no que se eliminou, por evaporación, unha parte do disolvente empregado na extracción. Ten consistencia de xarope e é máis concentrado có fluído.
4. extracto fluído
  Extracto líquido que contén, en peso, os principios activos contidos no produto orixinal.
5. extracto hepático
  Extracto obtido do fígado do boi e doutros animais e que se supón que contén os principios activos do fígado fresco. O seu poder antianémico valórase en función do contido en vitamina B 12 ou cianocobalamina. Emprégase no tratamento da anemia perniciosa.
6. extracto seco
  Extracto no que se eliminou practicamente todo o disolvente. O produto resultante é seco e duro.
extracto de conta [ECON]
Copia ou resumo dos datos dunha conta para coñecer o seu estado nun momento determinado.

Palabras veciñas