embutido -da

de embutir.

Acción de embutir.

Tripa de animal reenchida de carne e graxa, xeralmente de porco, adobada con especies e, ás veces, outros ingredientes. Mediante un proceso de curado evoluciona no seu exterior unha flora microbiana que permite unha mellor conservación das carnes. O seu afumado tamén cumpre esta función conservadora. Entre a gran cantidade de tipos de embutido que se encontran en Galicia, cómpre destacar: o chourizo, condimentado con pemento e que presenta distintas variantes como o ceboleiro; a androlla e o botelo, con anacos de costela picada; a longaínza, que non está curada pero pode estar afumada, ou a morcilla, que é semellante ao chourizo pero mesturada co sangue do animal.

Obra de madeira, metal, pedra ou marfil que se realiza ao encaixar pezas de distintas cores, da mesma ou de diferente materia, para realizar diversas formas e figuras. As pezas incrústanse nuns ocos ou incisións realizados previamente.

Espiga que enlaza pezas dunha lacería de madeira.