Ernesto/Ernesta

Antropónimo de orixe xermánica. Presenta as variantes Ernestino/ Ernestina. Entre as variantes xermánicas primitivas que se recollen, cómpre destacar Ernist, Arnost, Ernest (latinizado en Ernestus) ou Ernust, a forma máis antiga (s VIII), que se identifica co substantivo común antigo altoalemán ernust ‘batalla, combate’. Santo Ernesto, abade do mosteiro de Zwiefalten (Württemburg), celébrase o 7 de novembro.