Eufonía

Publicación literaria aparecida en Bos Aires o 1 de setembro de 1958. Cesou ao ano seguinte. Subtitulouse “Revista de rimas y glosas de la poesía gallega”. Fundada e dirixida por Alfonso Gayoso Frías, contou coa colaboración de destacados escritores como Xosé Neira Vilas, Uxío Novoneyra e Celso Emilio Ferreiro. Imprimiuse nos obradoiros tipográficos de Los Celtas. Dedicou o seu primeiro número á obra de Curros Enríquez e a segunda entrega a Rosalía de Castro.