Fano

Cidade da provincia de Pesaro e Urbino, Italia (56.175 h [2000]). Situada á beira do Mar Adriático, converteuse nun activo centro estival grazas ás súas praias. Foi a Fanu Fortunae romana. Estivo gobernada pola familia Malatesta desde comezos do s XIV. Pertenceu aos Estados Pontificios e en 1860 foi anexionada a Italia. Entre o seu patrimonio cultural destacan a muralla e o arco romano (s I); os palacios da Podestá (1299), Malatestiano (s XV), Martinozzi (s XVI) e Montevecchio (s XVIII); e as igrexas de o Duomo (s XII), San Paterniano (s XVI) e San Pietro in Valle (s XVII).