FASA Renault

Empresa española de fabricación de automóbiles fundada en 1951 co nome de Fabricación de Automóviles SA, trala firma coa Régie Nationale de Usines Renault para a fabricación en España do modelo 4 CV. A produción iniciouse en 1953 na factoría de Valladolid. En 1965 tivo lugar a fusión da Sociedad Anónima Española de Automóviles Renault (SAEAR) e FASA, pola que se constituíu unha nova sociedade baixo a denominación de FASA Renault, para a fabricación e comercialización de todos os produtos Renault en España. En 1965 creáronse dúas novas factorías: Fabricación de Carrocerías Renault de España (FACSA) e Fabricaciones Mecánicas Renault de España (FAMESA); ás que hai que engadir a adquisición de Industrias Subsidiarias de Aviación (ISA), de Sevilla, e a instalación da nova factoría de Palencia.