fecho -cha

(<*lat v pesclu < lat pĕssŭlus ‘ferrollo’)

adx
Que está escuro. OBS: Emprégase sobre todo na construción noite fecha.
s m
Mecanismo metálico empregado especialmente para fechar portas e ventás. Pode ser de dous tipos: caravilla e picaporte. A caravilla é a máis sinxela e consiste nun gancho de ferro que xira nun gonzo e entra nunha argola. O picaporte, que acostuma levar por fóra unha prancha de ferro labrada, presenta máis complicación e variedade, e algún deles consiste nunha peza móbil que xira ao redor dun punto fixo e que, ao apertar un resorte, abre ou fecha a porta e ventá. Outro tipo de picaporte consiste nunha peza metálica, xeralmente con formas diferentes como imitacións de animais, xeometrías e forxados, que adoito está no exterior dunha porta e que serve para chamar petando con ela.
Confrontacións: ferrollo.
s m
Peza en forma de cuña que suxeita o temón á rabela do arado.
s m
Cada unha das pezas que suxeita a roda ao eixe do carro.
s m
Pedra que, no forno, remata a bóveda.

Refráns