Feijoo Poncet, Perfecto

Farmacéutico e musicólogo. Licenciouse na Universidade de Santiago de Compostela (1877) e marchou a Madrid para rexentar a farmacia de Moreno. En 1880 volveu a Pontevedra para establecer a súa propia farmacia, que se converteu no centro da intelectualidade pontevedresa e lugar onde se fundou en 1883 o coro Aires da Terra. Estudioso do folclore musical galego, colaborou en distintas publicacións da época con artigos como “Alborada de Rosalía de Castro” ou “La gaita gallega”, moitas veces empregando o pseudónimo de El gaiteiro del Lérez.

Cronoloxía