fel

1. s m [BIOQ/FISIOL]

   bile.

2. s m

   Vexiga que contén a bile.

   Ex: Sácalle o fel ó peixe sen rompelo.

3. s m

   Mal carácter, amargura ou mal humor dunha persoa. Na tradición oral recóllense ditos como: “Boca de mel e mans de fel. Debaixo do mel hai moitas veces fel. Máis moscas se collen con mel que con fel”.

   Ex: Non ten máis ca fel, todo o bo devólveo como malo.

4. s m

   Sentimento de dor ou pesar. Na tradición oral recóllense ditos como: “Non hai mel sen fel. Pouco fel fai amargo moito mel”.

Frases feitas

• Amargo coma o fel. Moi amargo.

• Botar un o fel. Traballar en exceso.

• Non ter mel nin fel. Aplícase á persoa que non reacciona de ningunha maneira diante dun feito.