fenilhidrazina

Derivado fenílico da hidrazina, cun punto de ebulición de 244°C. É unha base forte, moi redutora, que se presenta en forma de líquido oleoso. É tóxica, cunha acción hemolítica e con produción de eccemas. Obtense por redución dunha solución de sal de diazonio da anilina con outra de cloruro de estano e ácido clorhídrico a baixa temperatura. Emprégase na manufactura de colorantes, de antipirina e como reactivo de azucres, aldehidos e cetonas.