fenolftaleína

Substancia do grupo das ftaleínas, que se prepara por condensación do fenol con anhídrido ftálico. Preséntase en forma de cristais brancos, insolubles en auga e solubles en álcalis, que orixinan disolucións de cor vermella intensa. Emprégase moito como indicador de neutralización. É incolora a pH menor de 8 e vermella a pH maior de 9,6. Tamén se emprega en medicina como laxante.