Fernández de Muras

Liñaxe que leva escudo cuarteado por unha cruz, de ouro, semellante á da orde de san Xoán: primeiro cuartel, de sinople, con dous castelos, de pedra, e saíndo das torres de homenaxe dos castelos, un brazo armado, de prata, cunha espada do mesmo metal, na man; segundo cuartel, en campo de azul, con dous crecentes tornados, de prata, rodeados de doce estrelas, de ouro; terceiro cuartel, de prata, cun león rampante, de goles, armado de ouro; cuarto cuartel, de sinople, cunha caldeira, de ouro.