Fernández Fernández, Xosé

Historiador da Arte. Doutor en Historia da Arte (1992) e profesor dende 1987 na Escola Técnica Superior de Arquitectura da Coruña e no Centro Asociado da UNED da cidade herculina, en 1993 puxo en marcha o departamento de Historia da Arte da facultade de Humanidades de Ferrol, do que foi profesor. As súas investigacións centráronse na arte e na arquitectura dos ss XIX e XX, en especial da arquitectura galega comprendida entre 1800 e 1930. Dende 1989 codirixiu o Inventario Arquitectónico da Deputación da Coruña. Crítico de arte en diversas publicacións, foi asesor histórico de traballos de restauración arquitectónica, entre os que destaca o realizado en San Xoán de Caaveiro. Participou, entre outras obras, en El arquitecto Daniel Vázquez-Gulías (1999) e Arquitecturas da provincia da Coruña (1995-2001). Das súas obras destacan Arquitectura del eclecticismo en Galicia (1995-1996) e O arquitecto Pedro Mariño Ortega (1996).

Cronoloxía