Fernández Velho, Pedro

Profesor. Licenciouse en Filoloxía Románica (1978) na Universidade de Santiago de Compostela. Despois de exercer a docencia de lingua e literatura castelá en Almería, Pontevedra e Ourense, en 1997 incorporouse como profesor asociado á Universidade de Vigo e, desde xaneiro de 2001, como profesor titular de lingua castelá na facultade de Ciencias da Educación do Campus de Ourense. Algúns dos seus traballos de sociolingüística, lingua e identidade nacional, e lingüística textual, publicáronse en Repertorio bibliográfico da lingüística galega (1995), e neles defende a necesidade de desenvolver unha proposta reintegracionista para o galego. Tamén investiga os procesos produtivos de derivación en castelán e portugués (publicou, parcialmente, o resultado desta investigación en “Formación de palabras y adjetivos postnominales desde los textos de Nebrija”, en Actas III Congreso Internacional de la SEHL, 2002). Outros ensaios seus abordan a problemática da construción da eurorrexión Galicia-Norte de Portugal, ou revelan unha dimensión máis histórica e metodolóxica, relacionada coa análise de textos.

Cronoloxía