ferramenta

(

s f [TECNOL]
Obxecto feito para unha acción determinada e utilizado directamente pola man para actuar sobre a materia, ao tempo que asegura un bo contacto coa man para obter un control preciso da operación e realizala comodamente. Unha primeira clasificación das ferramentas permite agrupalas en prénsiles, como ganchos, tenaces, pinzas ou pas, e percusoras, como machados, punzóns ou martelos. A evolución das ferramentas segue dous camiños ligados estreitamente: a evolución por perfeccionamentos sucesivos, chamada ortoxénese, e o avance por mutación dunha ferramenta noutra.
Confrontacións: aparello, instrumento, til, utensilio.
s f
Conxunto de instrumentos empregados na realización dun traballo ou oficio.

Ex: A empresa deulle a ferramenta que precisaba para traballar.
Sinónimos: ferramental.
s f
Órgano copulador masculino.
s f
Aquilo que se emprega para conseguir un fin determinado.

Ex: O diálogo social é a mellor ferramenta para resolver o conflito.
Sinónimos: instrumento.

Refráns