Gabriel

Familia de arquitectos franceses activos durante o s XVIII. Jacques Gabriel (París 1667 - 1742) foi o autor do Hôtel Biron de París e da praza Royale Bordeos. Dende 1735 foi premier achitecte do rei. A obra do seu fillo, Ange-Jacques (París 1698 - 1782), premier achitecte de Luís XV dende 1742, representou un paso adiante cara ao neoclasicismo. En Versailles proxectou as dúas ás do palacio que dan ao patio, a Opéra (1753-1770) e o Petit Trianon, comezado en 1762. En París fixo a escola militar e o proxecto de urbanización da praza de Luís XV (actual praza da Concorde), do que só se realizaron, en 1757, os dous edificios do lado N.