Franconia

Rexión do N de Baviera, Alemaña. Esténdese polo val do Main ata os contrafortes do macizo de Bohemia e chega polo S ata o Danubio. Está formada por unha degradación de terrazas que alternan con elevacións de terreos ricos en bosques e pastos. O clima é continental suave. Carece de recursos mineiros, a excepción de augas mineromedicinais. Ten abundantes cultivos de cereais, froiteiras, produtos de horta, lúpulo e, nas vertentes dos vales, viña. A industria concéntrase en Fürth e en Nuremberg.