frontal

(< lat frontāle)

[ANAT]
1. adx
  Relativo ou pertencente á fronte.
2. adx e s m
  Óso que forma a parte anterior e superior do cranio e participa na formación da fosa cranial anterior. Tamén se coñece como óso coronal.
adx e s m
Relativo ou pertencente á parte dianteira de algo.

Ex: A radio tiña o frontal extraíble.
adx
1. Que se produce de fronte, dunha forma directa.
  
  Ex: Tivo un choque frontal.
2. Que se produce dunha forma directa.
  
  Ex: Produciuse un ataque frontal entre os dous políticos.
s m [ARTE/RELIX]
Peza de tea, madeira decorada, metal ou doutro material que se coloca diante da mesa do altar. Adoita estar decorado e acadou un gran desenvolvemento no Románico ao realizarse pinturas sobre táboa.

Palabras veciñas