Galicia en Madrid

Publicación editada en Madrid dende abril de 1982 polo Grupo Cultural Galicia en Madrid (Grugalma). Cesou a súa edición en novembro do mesmo ano. A partir de xullo de 1983 iniciou unha segunda época, dirixida por Mourelle de Lema, presidente do grupo cultural editor. Incluíu diversas investigacións sobre a historia, a cultura e a literatura de Galicia, así como reproducións de relatos, contos e poemas, acompañados de recensións e notas bibliográficas. Na súa elaboración colaboraron os máis destacados escritores e intelectuais galegos.