galilea

Atrio ou pórtico dunha igrexa que está ocupado por sepulcros de personaxes relevantes. Recibe tamén o nome de porta galilea por ser o remate da procesión de Pascua e simbolizar o regreso de Cristo a Galilea despois da súa morte ou porque era o lugar onde se entoaba, o día da Ascensión, o responsorio Veri Galilaei.

Peza cuberta, fóra do templo e sen capela, destinada a cemiterio.

Tempo que media, na Igrexa grega, dende a Pascua de Resurrección ata a Ascensión.