Galisteo

Municipio da provincia de Cáceres, Extremadura. Está situado na confluencia dos ríos Jerte e Alagón (2.008 h [1996]). Posúe unha economía agrícola e gandeira. Do seu patrimonio cultural destacan, entre outros, a muralla almohade (ss IX-XIV), as portas da cidade (ss XII-XIII), a torre da homenaxe (s XIV) e a ábsida mudéxar da igrexa parroquial. O conxunto histórico-artístico da vila foi declarado Ben de Interese Cultural en 1991.