Gatos, Motín dos

Revolta popular que tivo lugar en Madrid en abril de 1699 con motivo da sucesión de Carlos II o Enfeitizado. Aproveitando a crise de alimentos trala mala colleita de 1698 e o malestar popular, os partidarios do candidato francés dirixiron a rebelión contra os partidarios do pretendente austríaco. A presión dos amotinados levou ao monarca a destituír o conde de Oropesa e a J. T. Enríquez de Cabrera y Toledo, do partido proaustríaco, e a substituílos por Francisco Ronquillo e L. Fernández de Portocarrero-Bocanegra, defensores da solución francesa.