Guayasamín, Oswaldo

Pintor. Estudiou arquitectura e pintura na Escuela Nacional de Bellas Artes de Quito. Pintou temas humanos e sociais. O xigantismo e a dimensión mural, como tamén os personaxes crispados, convulsos e axitados, son característicos das súas obras. Da súa creación destacan os murais do Palacio de Gobierno y Legislativo de Quito, do aeroporto de Barajas (Madrid) e da sede da UNESCO de París. Obtivo, entre outros galardóns, o premio ao mellor pintor sudamericano da Bienal de São Paulo (1957).

Cronoloxía