Guericke, Otto von

Físico e astrónomo alemán. Estudiou dereito na Universidade de Leipzig e matemáticas na de Leiden. Investigou os efectos do baleiro, inventou unha máquina pneumática e comprobou que no baleiro o son non se propaga, que é imposible a combustión e que os animais morren. No 1654 fixo o experimento dos hemisferios de Magdeburgo, co que demostrou a existencia da presión atmosférica. Outros inventos foron: un barómetro, a primeira máquina que xera electricidade estática por fricción e unha balanza para pesar aire. Tamén foi o primeiro que indicou a periodicidade dos cometas.

Cronoloxía