Gutiérrez Alba, Abelardo

Guerrilleiro de ideoloxía anarquista. Xastre de profesión, o seu pai foi fusilado nos primeiros días da Guerra Civil Española. Foi un dos fundadores da Federación de Guerrillas de León-Galicia, en 1942. Entre 1943-1945 enlazou coa dirección da CRG, compartindo cos militantes socialistas M. Castro Tellado e A. Fernández Crespo, Fuenteoliva, a creación da III Agrupación de guerrillas da Federación, operativa entre Os Ancares e Valdeorras. En 1946 colaborou con J. Castro Veiga, o Piloto, formando parte dun grupo voante do pro-comunista Ejército Guerrillero de Galicia. Descontento coa disciplina militar aplicada polo PCE e desenganado da eficacia da loita armada, contactou coa CNT para pasar a Francia a mediados de 1947.

Cronoloxía