hidrozoo -a

Relativo ou pertencente aos hidrozoos.

Cnidario da clase dos hidrozoos.

Clase da rama dos cnidarios que comprende as formas máis primitivas destes. Tanto as formas solitarias como as coloniais poden ser libres (planctónicas) ou vivir fixadas nun substrato (bentónicas). Normalmente hai alternancia entre as formas de pólipo e de medusa. As hidromedusas caracterízanse pola presenza dun veo estendido entre os bordos da umbrela e do manubrio, e son sempre de dimensións pequenas. Os hidrozoos están presentes en todos os ambientes acuáticos.