Hipócrates

Médico. Foi o primeiro que separou a ciencia da relixión, pero tivo uns notables precedentes como a escola siciliano-pitagórica (con Alcmeon de Crotona), a escola atomista de Demócrito e outras individualidades (como Eurifonte de Cnidos) que rivalizaron cos médicos de Cos. Respecto ás obras que lle son atribuídas, o Corpus Hippocraticum (440-350 a C), cómpre sinalar que non hai nada que leve a súa sinatura e que unha análise crítica evidencia e fai postular unha pluralidade de épocas e de autores. Trátase dun conxunto de sesenta traballos, escritos en prosa e en dialecto xónico, que probablemente formou parte dunha biblioteca médica (a de Cos?). Con todo, semella unha hipótese válida o feito de defender a paternidade hipocrática dalgúns tratados. Mal sagrado constitúe o primeiro volume da edición completa de Hipócrates na fundación Bernardo Médico. Hipócrates fixou o carácter natural de todas as enfermidades e a teoría de catro humores. A gran prevalencia da ética na súa doutrina, unida a unha estrita deontoloxía, exprésase no famoso xuramento hipocrático.

Cronoloxía