igual

1. adx

   Que ten a mesma natureza ou características.

   Ex: Ten un traxe igual ó dela.

   Antónimos: diferente.
2. adx

   Aplícase a unha superficie que non ten desniveis.

   Ex: Puxeron o chan igual antes de colocar a baldosa.

3. adx

   Que ten a mesma proporción.

   Ex: As forzas dos combatentes eran iguais.

   Antónimos: diferente. Confrontacións: semellante.
4. adx

   Que é uniforme e constante no espazo e no tempo.

   Ex: Ten unha temperatura igual en toda a casa. A velocidade era igual en todo o traxecto.

5. adx

   Que é moi semellante.

   Ex: É igual ós seus avós.

   Antónimos: diferente.
6. adx [MAT]

   Aplícase ás figuras xeométricas entre as que se pode establecer unha transformación de igualdade.

7. adx [MAT]

   Aplícase aos conxuntos formados polos mesmos elementos.

8. adx [MAT]

   Aplícase aos elementos dun conxunto entre os que se pode establecer unha igualdade.

9. s

   Persoa ou cousa que ten a mesma clase ou categoría ca outra.

   Ex: Considéraoo o seu igual. Non ten igual no mundo.

10. s m

    Nome do signo de igualdade (=).

11. adv

    Da mesma maneira.

    Ex: Faino igual ca el.

12. adv

    Ó mellor.

    Ex: Igual vou ó teatro esta tarde.

Frases feitas

• Dar igual/Ser igual. Ser indiferente ou indistinta unha cousa ou outra.

• Por igual loc adv Da mesma forma.