ilustración

(< lat illustratiōne)

s f
Acción e efecto de ilustrar.
s f
Elemento co que se ilustra un texto escrito, especialmente un libro.
s f
Conxunto de coñecementos que adquire unha persoa.

Ex: Tratou cun funcionario cunha notable ilustración.
Sinónimos: cultura.
s f [GRÁF]
1. Prancha gravada que representa un debuxo ou unha fotografía e que pode ser impresa reproducíndoa fielmente do orixinal.
2. Impresión conseguida cunha prancha gravada. Emprégase calquera das técnicas de gravado, xa sexa manual (xilografía ou cobre), ou mecánica (fotogravado), segundo o sistema de impresión. Primitivamente, as ilustracións eran verdadeiras obras de arte, mentres que posteriormente tiveron un valor máis informativo e complementario que mesmo chegou a substituír o texto.

Palabras veciñas