imitar

1. v t

   Reproducir unha persoa a forma de ser ou de actuar de alguén.

   Ex: Imita o seu pai na forma de vestir.

2. v t

   Reproducir algo máis ou menos fielmente.

   Ex: Imitou a firma do seu irmán.

3. v t

   Presentar unha cousa características semellantes a outra.

   Ex: A estrutura da casa imita un castelo.

4. v i e pron

   Parecerse unha persoa a outra, tanto no aspecto físico coma no moral.

   Ex: Aínda que lle imita ó pai ten moitos trazos da nai. Imítase á avoa no nariz.

   Sinónimos: asemellar.

Refráns

• A cabra vai pola viña: como fai a nai, fai a filla.
• En terra de lobos oubear coma todos.
• Mira a onde vas e, como vexas, fai.
• O home no seu quérese a outro parecer e non sabe a quen ha ser.
• Onde a mula dianteira mexa, mexa toda a recua.
• Onde outro mete o bico, podes meter ti o fuciño.
• Quen aos seus se parece, honra merece.
• ¿A onde vas, Cremente? -Vou a onde vai a xente.
• ¿Para onde vas louco? -Para onde van todos / os cordos.
• ¿Vai a cabra á viña? Tal fai a nai, como tal fai a filla.