inconveniente

1. adx

   Que non convén ou que se opón ao que convén.

   Ex: Tiveron unha visita inconveniente. Tivo unha reacción inconveniente.

   Antónimos: conveniente.
2. s m

   Dificultade ou obstáculo que impide a realización de algo.

   Ex: Por mor de sucesivos inconvenientes, non puideron entregar o traballo nos prazos.

   Sinónimos: inconveniencia. Confrontacións: impedimento, obxección.
3. s m

   Aspecto negativo, desfavorable ou desvantaxoso que presenta algo.

   Ex: Atopo varios inconvenientes en pór só unha ventá.

   Sinónimos: inconveniencia.
4. s m

   Cousa desagradable ou prexudicial que resulta doutra.

   Ex: Aquela apresurada decisión tróuxolle moitos inconvenientes.

   Sinónimos: inconveniencia.

Refráns

• Casar, bo é de facer; pero é malo de roer/de soster.
• En todos lados hai unha legua de mal camiño.
• Non hai carne sen óso.
• Non hai mel sen fel.
• Non hai rosas sen espíñas.
• Non hai sardiña sen espiña.
• Non se pescan as troitas coas bragas enxoitas.
• Non se pode guiar ben o carro, se non se tripa o barro.
• O que troitas quere pescar, as calzas ten que mollar.