Irea

Antropónimo feminino que deriva do nome grego ε ἰ ρ ή νη ‘paz’, adaptado ao latín da época imperial como Irene, co mesmo significado; con todo, entre os cristiáns reinterpretouse co sentido de ‘paz cristiá’, ‘paz entre os homes na terra e entre os xustos no ceo’. Presenta as variantes Erea, Iría, Irena. Levaron este nome varias emperatrices do Imperio Romano de Oriente, e tamén a mártir santa Irea de Salónica (ss II-III); santa Irea de Roma            (s III), viúva romana celebrada o 18 de setembro (Roma); e santa Iria de Santarém, freira do s VII celebrada o 20 de outubro. Na tradición oral recóllense ditos como: “Día de santa Erea, floriñas na amendoeira”, “Por santa Erea pega o sol nas leiras”, “Por santa Erea colle os bois e semea”.