Iris del Bello Sexo, El

Semanario editado en Santiago de Compostela a partir do 1 de maio de 1841. Cesou a súa edición o 26 de xuño dese ano. Editado e impreso por Xosé Núñez Castaño, amosábase crítico cos escritores románticos da época; moitos artigos están asinados cos nomes de Enarda e Galatea, pseudónimos que empregaban os irmáns Antonio e Alberto Camino. Cambiou o seu nome polo de El Iris de Galicia e, posteriormente, por Revista de Galicia.