Janeiro Casal, Manuel

Deseñador gráfico e fotógrafo. Provinte do ámbito teórico da semioloxía, do cine e da fotografía, en 1978 fundou o primeiro estudo profesional de deseño en Galicia. Profesor de imaxe no colexio Martín Códax, foi membro da comisión de Deseño do Consello da Cultura Galega. Integrante dos consellos de redacción da Revista Galega de Educación e La Pizarra, publicou Primera edad e Poemas sobreros. Ademais, é autor da campaña “Fálalle Galego”, realizada pola Xunta de Galicia (1984) e das imaxes corporativas das editoriais Galaxia e Gredos, da Real Academia Galega e da Fundación Carlos Casares.

Cronoloxía