Laurana, Francesco

Escultor e arquitecto dálmata. Nacionalizado italiano, en 1453 traballou no arco de Castelnuovo, en Nápoles. Traballou ao servizo dos Anjou desde 1461 e fixo as esculturas da capela Mastrantonio en San Francesco de Palermo (1467-1471). Estableceuse en Francia en 1471 e realizou o retablo do Nazareno da igrexa dos celestinos de Aviñón e o sepulcro de Carlos IV de Anjou na catedral de Le Mans. Foi moi coñecido polos seus bustos femininos, como o de Battista Sforza (1474?) ou Busto di Eleonora d’Aragona (1490?).

Cronoloxía