Lazkao

Municipio de Gipuzkoa, Euskadi, situado no val do río Oria (4.920 h [2001]). É unha zona rica en bosques, cunha certa presenza de actividades gandeiras e agrícolas. Predomina a industria da construción e da siderurxia. Foi un dos municipios fundadores da Alcaldía Mayor de Areria, cara a 1460, xunto con Arriarán, Itsaso e Olaberría. O palacio de Lazkao do s XVII foi declarado Ben de Interese Cultural (BIC, 1984).