ler

1. v t

   1. Distinguir os sons figurados polas letras dun texto ou dunha lingua determinada.

      Ex: Aínda non sabe ler un texto escrito en maiúsculas. Le inglés correctamente, pero non o fala tan ben. OBS: Nalgúns contextos omítese o complemento e adquire valor absoluto. Ex: No país só sabe ler a metade da poboación.

   2. Pasar a vista por un texto escrito para captar o seu significado.

      Ex: Non lin nigún estudo sobre o autor. OBS: Nalgunhas construcións omítese o complemento e adquire valor absoluto. Ex: Le sobre calquera tema.

   3. Dicir en voz alta algo que está escrito e que se vai percorrendo coa vista.

      Ex: Nunca improvisa un discurso, sempre os le.

   4. Realizar a lectura dunha ou máis dunha obra dun escritor.

      Ex: Na súa infancia leu moito ese autor.

2. v t

   Percorrer coa vista e interpretar e entender o que di calquera representación gráfica.

   Ex: É músico e enxeñeiro e tanto le un plano coma un pentagrama.

3. v t

   Adquirir coñecemento de algo a través da lectura.

   Ex: O que sei sobre o tema lino no xornal. Le ruso pero non o fala.

4. v t

   1. Adiviñar unha cousa oculta ou futura interpretando determinados signos exteriores.

      Ex: Naquelas cicatrices líase con claridade o seu pasado.

   2. Adiviñar os pensamentos ou os sentimentos de alguén pola súa actitude, a súa fisionomía ou o seu aspecto externo.

      Ex: Lin nos seus ollos a súa ledicia.

   3. Ser capaz de descifrar o significado de algo.

      Ex: Foi a que lle leran as raias da man.

5. v t [TECNOL]

   Defender perante un tribunal unha tese de licenciatura, de doutoramento ou un traballo similar.

6. Realizar un lector a súa función sobre un disco, cinta ou película que ten algo gravado ou almacenado.

Frases feitas

• Ler de corrido. Ler algo sen parar.

• Ler de corrido. Ler algo sen parar.

• Ler entre liñas. Adiviñar o que di un escrito aínda que non estea expreso no texto.

• Ler entre liñas. Adiviñar o que di un escrito aínda que non estea expreso no texto.

• Ler por riba. Ler superficialmente un escrito sen prestarlle moita atención.

• Ler por riba. Ler superficialmente un escrito sen prestarlle moita atención.

• Lerlle a cartilla a alguén. Botarlle unha reprimenda.

• Lerlle a cartilla a alguén. Botarlle unha reprimenda.