² lira

Unidade monetaria principal de Italia (L). A súa orixe foi a libbra de prata, base do sistema monetario carolinxio que durante a Idade Media foi cuñada cunha gran diversidade de valores e denominacións. Baixo o dominio de Napoleón adoptouse o sistema decimal e a lira unificouse, pero no s XIX diversificouse de novo ata 1862, cando se converteu na unidade monetaria do Reino de Italia. O 1 de xaneiro de 1999 o euro substituíuna como moeda oficial do sistema monetario italiano, malia que continuou circulando ata 2002. Dividíase en 100 céntimos.

Unidade monetaria principal de Turquía (TL) desde 1916. Divídese en 100 kurus.